Aisi Hi Bheegti Hoyi Shaam Thi Vo b
Jab Vo Mehandi Rachaye Hathoon Mein
Surkh Aanchal Mein Moonh Chupayee Hoye
Apny Khat Mujh Se Leny Ayi Thi
Uss Ki Sehmi Hoyi Nigahoon Mein
Kitni Khamosh iltajayein Thi
Uss k Chehry Ki Zard Rungat Mein
Kitni Majboorion k Saaye Thy
Mery Hathoon Se Khat Pakarty Hi
Jany Kya Soch Kar Achanak Vo
Mera Shana Pakar k Royi Thi
Uss k Pink Hontoon k KapKapaaty Hoye Kinaroon Per
Sabt Beetay Hoye Zamanay Thy
Senkron AnKahy Fasanay Thy
Bheegtii Shamoon Mein Aaj b Aksar
Uss Ki Rukhsat Ka Be Sada Manzar
Merii Aankhon Mein Jhilmilata Hay
Aik Lamha Hinayii Hathoon Se
Mujh Ko Apni Taraf Bulata Hay
Aisi Hi Bheegtii Hoyi Shaam Thi Vo b...!!!
Subscribe to:
Post Comments (Atom)
No comments:
Post a Comment