Uss simt mujh ko yaar ne jaane nahin diya
ek aur shehar-e-yaar mein aane nahin diya
kuch aur waqt chaahate thhe ki sochein tere liye
toone wo waqt hum ko zamaane nahin diya
manzil hai is mehak ki kahaan kis chaman mein hai
is ka pataa safar mein hawaa ne nahin diya
rokaa ana ne kaavish-e-besud se mujhe
uss butt ko apana haal sunaane nahin diya
hai jis ke baad ahad-e-zavaal-aashnaa "Munir"
itana kamaal hum ko Khuda ne nahin diya.
Subscribe to:
Post Comments (Atom)
No comments:
Post a Comment