Tu chahay mujhay aisi qissmat kahan thi
Kahan main kahan tu ye nisbat kahan thi
Teri bairukhi se ye dil muztarib tha
Mera haal janay ye fursat kahan thi
Meri chahaton ki tujhay kia khabar ho
Tu sochay mujhay teri fitrat kahan thi
Tujhay apne munn say nikaloon to kaisay
Main paa loon tujhay ye sa aadat kahan thi
Jo ban jata mera kaheen humsafar tu
Bhala aisi apni ye qissmat kahan thi
Jissay sunn ke tu nay nigahain jhuka leen
Ye noha tha mera shikayeit kahan thi
Tu jo khuch bhi tha ik vehm tha “Muleem” ka
Faraib e nazar tha haqeeqat kahan thi