Ashq ankh main phir atq raha hai
kankar sa koi khataq raha hai
main uss k khial say guraizaan
wo meri sada jhataq raha hai
tahreer uss ki hai,magr dil
khat parhtay huy atq raha hai
hain fone pay kis k sath baatain
aur zihan kahan bhatq raha hai
sadiuun say safr main hai samandr
sahil pay thakan pataq raha hai
ik chand saleeb-e-shakh-e-gul pay
bali ki tarah lataq raha hai
No comments:
Post a Comment